■ 謝若蘭

最近立法院經濟kap能源委員會mā teh討論「生質能源」政策，除了用經濟規模探討以外，社會資源分配正義議題，親像鄉村ê人力資源kap休耕土地政策mā應該愛考慮入來。

全球化是阻擋bē tiâu（擋不住）ê趨勢，各國政府可能串連國際企業集團ê運作，制訂出另外一種霸權kap壟斷ê生質能源政策。亦tō是講，替代性能源未來mā有可能hōin（他們）歸碗phâng（端）去，tō親像目前跨國企業控制石化能源kāng款（一樣），人民永遠kan-na（只）會tàng（能）據在inê thâi割（任人宰割）。

請繼續往下閱讀...

Kap其他國家相比phēng（比較），台灣ê經濟規模實在無才調發展生質能源。台灣ê休耕政策雖然帶hō國家經濟ê短期利益，-koh（不過）mā順sòa（順便）造成農村耕作文化kap社會ê崩盤，包括外籍新娘、人口老化、中空化、sńg-tg（浪費）人力等相關社會問題。

-koh，再生能源作物ê推動，無的確會sái（可以）提供台灣一個機會。若thang（能）避免跨國企業ê控制，發展有夠hō（讓）咱台灣家己食穿（自給自足）ê能源kap糧食政策，用社會公平正義ê觀點來制訂替代性能源政策，包括用多元發展ê角度來思考所謂「經濟發展」，推廣開（耗用）siōng少地球資源ê觀念，具體落實環境kap社會ê永續行動，減采（或許）會tàng叫醒tk家（大家）對台灣這塊土地ê疼thàng（疼惜）kap社會正義ê延續。

（作者為台灣綠黨共同召集人）

不用抽 不用搶 現在用APP看新聞 保證天天中獎　 點我下載APP　 按我看活動辦法