■高英男

聽著做風颱，囝仔人尚歡喜，因為會凍放假，呣免讀冊。呣閣，做穡（sit）人就悿頭（thiam-thau）嘍！聽著風颱欲（beh）入來，就開始憂頭結（kat）面，腳手尾皮皮剉，心肝嗶噗跳，坐a呣是、徛a呣是。因為一擺輸贏，磕（khap）祙著，著要上百e，止贊祙住（chichan-boe-tiau）。

以早，無氣象報導，老一輩e世大人，攏嘛靠一寡大自然e現象來判斷。呣若準，閣祙teng-tann（差錯）。親像看風颱草頂面e hoe-choa（紋路）算風颱；天若反紅，就是有風颱欲（beh）入來啊；蚼蟻（螞蟻）若徙siu（巢穴），就是欲（beh）作大水。閣有『一雷teh（壓）九颱』、『九月颱，歹到無人知』等等e現象，諸（chiah）e現象，攏是世大人經驗e累積。

請繼續往下閱讀...

今年e第一號風颱「珍珠」，雄介介（來勢洶洶）。互人是驚到凊汗直流、強欲（beh）滲屎。雖罔濟少有災情kap傷亡，呣閣好佳哉，落尾威力有減弱，雨水卡厚是免不了e。每年e七、八月是風颱期，兼採早前無致意水土保持，所以見若風颱一來就損失慘重，崩山、土石流滿四界。今年e風颱來了有卡早淡薄仔，這嘛好通提醒咱要提早做準備，免得到時花哩囉（亂成一團）。（作者為公務員）

不用抽 不用搶 現在用APP看新聞 保證天天中獎　 點我下載APP　 按我看活動辦法