■ 張復聚
最近新憲法ｅ問題koh開始受著大家討論。我認為新憲法本身ｅ條文需要用多種語文來寫。是啥代憲法需要用多種語文寫？有下面三ｅ簡單koh清楚ｅ理由：
第一、正式ka世界宣佈台灣是多語文邦國，承認所有台灣本土語文攏是國家語文；對台灣本土語文表示根本ｅ尊重。
第二、beh達著精密ｅ目的。用多種語文寫仝一本台灣憲法需要真老投ｅ多語文能力kap真清楚ｅ頭腦思考，按呢會當保領憲法本身ｅ精神kap結構有夠精密、周至kap現代化。
第三、做台灣本土語言文字化、標準化kap現代化ｅ火車母。若是一ｅ語言會當寫憲法，koh寫有什麼代誌kap文章未當寫？
我主張上少著有原住民語文、客家語文、台語文、中文幾種版本；另外koh加英文版（甚至是日文版）。眼前除了中文版以外，上迫切需要緊有台語版kap英語版，其他ｅ版本嘛需要準備、計畫開始寫。
（作者為醫師、高雄醫學大學台語文教師）
編輯精選
自由評論網粉絲團