■ 林美雪
今仔日無意中看著電視teh演「挪亞方舟」，看了後心裡有一寡感受。
上帝因為看著人所做ｅ攏是歹事、敗壞ｅ行為，所以欲將地上ｅ一切毀滅。上帝叫挪亞造大船，乎他ｅ全家和有血氣ｅ鳥獸入去大船內，免受著大水ｅ災難。挪亞完全順服佇上帝ｅ面前，雖罔當時ｅ人攏恥笑他，ｍ閣因為挪亞完全ｅ信，他就完全照上帝ｅ命令去做。所以干單他會當得著上帝ｅ應允kap恩典，「恁著生湠多多，佇地面上著興旺，加添真多。」（創世紀九篇七節）看著阿扁總統講欲廢除「國統會」和「國統綱領」了後，所面對ｅ攻擊，就好親像「挪亞方舟」ｅ情境同款。佇這欲向望咱阿扁總統，會當像挪亞對上帝有完全信ｅ精神，ｍ管統派人士按怎攻擊反對，只要對台灣人民是對ｅ、有利益ｅ，就愛堅持落去，愛有絕對ｅ信心。
只要信，才有望。向望阿扁總統抱著這款ｅ信念，改 除對台灣多多敗害無利ｅ政令，早一日乎台灣成做一個公義、正常ｅ國家。
（作者為台語文字工作者）
編輯精選
自由評論網粉絲團