◎ 鄭兆祥
兩年前有一大陣講in準備好矣的人,經過時間的考驗,看起來是「乞食下大願」爾爾!原來攏是話虎lān,暗時想著全頭路,透早起來無半步。
二○○八年,美國的烏白馬佮台灣的勇跤馬,嫣頭兼飄撇,講話有氣魄,形象有夠讚,聲勢衝徦掠袂椆。會使講是武功蓋天下,揭蠓甩仔行雲頂,金光閃閃瑞氣千條。今也呢?予人民呸喙瀾,原來大箍好看頭,未食全頭路,食飽無半步!
民主社會,民意作主,若失去平衡,人民會出手。烏白馬烏白舞,對裡呣但經濟失敗,佫憑國會的優勢,硬通過法案。外交對中國軟弱,予人看衰,已經引起人民的不滿!
美國人選擇無欲予烏白馬繼續烏白舞,期中選舉反對票共頓落去。共款的情形,無共款的國家,有智慧的台灣人,咱嘛會當決定家己的運命,mai予低路司繼續害落去!
有時星光,有時月明,囂掰無落魄久!落屎馬,佫來著汝矣!
註:話虎lān,吹牛、誇大不實,借日語「法螺吹(らふき)」的音,變成「虎lān」。(作者為台語教師)
編輯精選