◎ 鄭兆祥
「阿扁也」從二○○八年十一月十一日予馬政府羈押到今已經欲兩冬矣，有影一年久久，兩年相拄。無，是欲佫關偌久？呣但一隻牛剝雙領皮，「先發後援轉中繼」，阿九政府若出代誌就愛叫出來弄弄咧，袂輸「血汗工場」裡底的苦力，隨時拖出去擋銃子！有法度，關到死好啦，較免時到點無工！
公平、根據事實照步來，是民主國家對司法的基本要求，哪通目睭大細蕊，目鏡掛規爿？西洋的正義女神一手挈「天平」，一手揭長劍，驚去目睭予屎糊咧，抑是目睭擘無金看呣著秤花，規氣共目睭掩咧，就是袂使有主觀意識，照事實用「心」判案！
台灣的司法人員佫較酷刑、佫較梟行，敢真正攏呣免照步行，連三歲囝仔都欺負？嘉義法院頭前徛一身關公，伊若有靈有聖，敢真正看會落去？
註：苦力，借自英語coolie，從事粗工的搬運工人。一身：tsit8-sian/sin，此為計算佛像數量的單位。（作者為台語教師）
編輯精選
自由評論網粉絲團