◎ 李仔膏
我心欣賞阿九兄 阿九交代毋免驚
投資股票心頭定 指數萬二一定贏
選舉進前真膨風 大陣馬迷心起狂
當作阿九萬能通 予恁贏錢保證爽
登基了後真趣味 股市市草足怪奇
指數親像去赴死 淒慘股民無歡喜
邱仔正雄開嘴講 股市未來一定旺
外資對咱無看空 盡量投資免驚摃
金銀財寶緊變賣 證券公司加減坐
探聽明牌兼泡茶 落價順勢大量買
買了股價直直落 股票股價一直薄
證券小姐真操勞 小姐操到變阿婆
阿玄有講免緊張 政府準備來進場
報出明牌百款樣 政府替恁燒好香
原來政府假外資 誘拐股民作烏龜
有人越博越大注 相信股價會跳舞
後來阿玄有講起 二萬指數講趣味
準備八兆救股市 股價猶原爬?起
阿九政府真夭壽 莫怪人罵下九流
官員天天四方遊 股民甲伊結冤仇
有人了錢變斷頭 有人股票放水流
有人提去包土豆 有人規去來跳樓
有人股票提去阿九兜 抗議兼抓猴
（作者為綠色和平電台主持人）
編輯精選
自由評論網粉絲團