■ 陳寧貴
目珠金金,
睹著中國橫柴入灶,
心肚火星燦天,
到尾愛仰刮捨?
國際社會正煞猛撻伐,
無愐到自家亂陣腳,
盡像雞嬤孵鴨卵,
遽遽去對岸相交結!
反分裂法係麼介法,
係唔係愛來
分裂我兜台灣人介法,
國民親台共樣係台灣人,
做麼介毋會踦共片,
恁樣搶光搶到四門透底,
自家分裂還怨麼儕?
註:火星燦天:亦說「火屎燦 天」,極憤慨之意。
仰刮捨:怎麼得了。
無愐到:沒料到。
麼介:什麼。
國民親台:台灣主要四黨。
共樣:同樣。
踦共片:站在同一邊。
麼儕:誰。
(作者為客家詩人)
編輯精選