◎ 鄭兆祥
兩年前有一大陣講in準備好矣的人，經過時間的考驗，看起來是「乞食下大願」爾爾！原來攏是話虎lān，暗時想著全頭路，透早起來無半步。
二○○八年，美國的烏白馬佮台灣的勇跤馬，嫣頭兼飄撇，講話有氣魄，形象有夠讚，聲勢衝徦掠袂椆。會使講是武功蓋天下，揭蠓甩仔行雲頂，金光閃閃瑞氣千條。今也呢？予人民呸喙瀾，原來大箍好看頭，未食全頭路，食飽無半步！
民主社會，民意作主，若失去平衡，人民會出手。烏白馬烏白舞，對裡呣但經濟失敗，佫憑國會的優勢，硬通過法案。外交對中國軟弱，予人看衰，已經引起人民的不滿！
美國人選擇無欲予烏白馬繼續烏白舞，期中選舉反對票共頓落去。共款的情形，無共款的國家，有智慧的台灣人，咱嘛會當決定家己的運命，mai予低路司繼續害落去！
有時星光，有時月明，囂掰無落魄久！落屎馬，佫來著汝矣！
註：話虎lān，吹牛、誇大不實，借日語「法螺吹（らふき）」的音，變成「虎lān」。（作者為台語教師）
不用抽 不用搶 現在用APP看新聞 保證天天中獎 點我下載APP 按我看活動辦法
《自由共和國》強力徵稿
《自由共和國》來稿請附：真實姓名、身分證字號、職業、通訊地址及戶籍地址（包括區里鄰）、夜間聯絡電話、銀行帳號（註明分行行名）及E-mail帳號。
刊出後次月，稿費將直接匯入作者銀行帳戶，並以E-mail通知。
文長1200字以內為宜，本報有刪改權，不願刪改者請註明；請自留底稿，不退稿；若不用，恕不另行通知；請勿一稿多投。
《自由共和國》所刊文章、漫畫，將於 「自由電子報」選用，不另外奉酬。
Email：republic@libertytimes.com.tw