■ 李勤岸

明仔載是母親節，咱ê囡仔會用甚物話k媽媽請安？

當然是用母語參阿母sai-nai上界親密，阿母上界歡喜。平常時講甚麼話媽媽可能b計較，上無母親節m講一下仔母語leh，hó媽媽感動一工，kám做b到？

-koh真濟人ê答案m猶是華語，因為連媽媽m講華語ah，in ê囡仔理所當然m是用伊ê「母語」參媽媽請安ah。這是咱台灣母語環境悲哀ê現實─連媽媽都b曉講母語ah！其實，母語ê意思是祖先代代相傳ê語言才是母語。所以客家鄉親有一句話非常傳神：「寧賣祖宗田， 不忘祖宗言」， 祖宗言就是母語。

頂個月，自由時報連續三工用真大ê篇幅，報導客語t鄉土語言教育變做新ê弱勢語言。目前鄉土語言t國小是必選，但無一定ài選家己ê母語。因為西瓜倚大旁ê心理，真濟客家子弟無beh選客語，致使客語班無夠人數，開b成。

Beh真正hó咱ê社會和諧，應該促進人人講母語，hó伊真正成做多語社會。T家庭，推動「一親一語」運動， 爸爸參囡仔講一款話，媽媽參囡仔講另外一款話，提供囡仔雙語ê環境。T社會，推動「一人一語」運動，互相講話無一定ài講仝款話，你講你ê母語，我講我ê母語，客人講客語，Holo人講Holo語，做夥製造雙語ê環境。按呢，西瓜都lóng平大旁─你學我ê話，我學你ê話，咱ê世界都有影是平ê。

（作者為詩人、世界台灣母語聯盟總召集人，用聽ê請上網：http://khinhoaN.taibun.tw/）

不用抽 不用搶 現在用APP看新聞 保證天天中獎　 點我下載APP　 按我看活動辦法