■ Babuza
宋楚瑜koh出洞大鬧江湖啦！果然是名不虛傳ê大內高手。看伊吞肩放胛、起手落插，身穿se-bí-lo h（西裝）、頭戴柑仔帽、手giâ（舉）車輪仔旗、腳踏台灣地，腳手猛掠、動作像雷公sih-nah，聲勢兇死死、那風颱大水，嘴內sh-sh唸koh吐劍光，目睭青kìn-kìn（眼神極其兇惡）四界chîn（查看），連環步數一招koh一招，h"咱看到霧sà-sà，目睭仁kiong beh（快要）náu--ti'h（扭傷）。這遍猶原是：轟動武林、驚動萬教！這聲咱koh 有免錢ê戲棚（野台戲）thang 看啦。
2000年總統選舉，若m是宋先生出手吵檄（攪局）大力相thīn（挺），a扁a 無可能選贏！到2004 年，雖bóng（雖然）宋--ê kap連--ê褲頭結作伙，m-kú（不過）已經h"台灣人看破腳手，輸一下險thng 褲（輸掉內褲）！
Chit-má（現在），2006 年宋--ê koh teh起鼓啦。這pái 表面講beh罷免陳總統，心內想beh選台北市長。因為伊ê市草（市場行情）無好，需要大灶（舞台）炒米粉（炒作行情）。但是按呢顛倒h hit ê「溫文儒雅」、「終極統一紅九兄」ê「馬腳」soan出來：家己無主宰、be曉處理危機、講烏白話：「你會死得很難看、你的日子不多了…」be-su（好像）鱸鰻（流氓）囡仔teh ka 人恐嚇leh!這是哈佛大學ê博士學者？照按呢看2008年台灣派ê總統候選人的確是鳥鼠入牛角—穩tak-tak啦！
台灣人真正ài好好á感謝宋楚瑜！宋主席，加油！感謝！
（作者為彰化平埔族ê囝孫）
編輯精選
自由評論網粉絲團