TOP

立委聽無beh按怎?

2005-10-10 06:00

■張復聚

行政院客家委員會李永得主委佇立法院用伊e母語回答立委e問題, 清楚表示台灣母語嘛會使得做官方語言來討論國家大事,會當提升台灣母語地位,拯救滯佇加護病房 e母語,符合二○○一年UNESCO(聯合國教科文組織)主張「文化多樣性宣言」e原則, 值得肯定及鼓勵!

這個宣言認為語言多樣性及文化多樣性攏是人類共同遺產。文化多樣性對人類來說,就親像生物多樣性對維持生態平衡仝款未當欠缺。原住民主委嘛應該按呢做。Holo(福佬)人無Holo委員會(足奇怪),若有,主委當然就照做。若是立委聽無beh按怎?放心,咱台灣甚物攏欠,干乾「錢多多」, 拜託設置同步翻譯機就解決啦!

民進黨e立委若反對,後擺選舉拜託mai閣用恁e母語騙票啦!(作者為醫師、高雄醫界聯盟會長、高雄醫學大學台語文教師)